Ferramentas de analítica web e social

Xa falamos do importante que é medir os datos que obtemos da nosa web e redes sociais, pero os datos por si sós non nos serven de moito. É aquí onde entra en xogo a análise e a estruturación dos datos, realizado en base aos obxectivos que nos propuxemos coa monitorización.

En que se diferencian a monitorización e a analítica? A monitorización sería o paso previo á analítica, esta permítenos entender que pasou coa monitorización e que podemos facer cos datos que monitorizamos.

É importante establecer un proceso de monitorización que nos permita recoller aquela información que realmente nos interesa en función dos obxectivos que nos establecemos, para iso podemos seguir unha serie de pasos (Rodríguez, 2011):

-Definir os obxectivos.

-Entender ou estudar ao noso target ou público obxectivo.

-Definir que plataformas imos utilizar.

-Definir que métricas imos utilizar.

-Elixir ferramentas que permitan obter datos das métricas establecidas.

-Monitorar accións concretas sobre os datos recompilados.

Ferramentas para medir as redes sociais

En primeiro lugar, para medir as redes sociais, podemos utilizar as propias plataformas de redes sociais que, ben na súa única versión ou ben en versión business (como o caso de Facebook ou Instagram), ofrecen un apartado de analítica no que podemos estudar o rendemento da nosa rede social en función dunhas métricas xa establecidas pola devandita plataforma. Os datos que nos ofrecen de maneira automática en moitos casos serán máis que suficientes para saber se estamos a cumprir os nosos obxectivos ou non.

Unha das ferramentas máis utilizadas para medir (e xestionar) as redes probablemente sexa Hootsuite. Esta ferramenta permite analizar múltiples redes: Twitter, Facebook, LinkedIn ou Google+. Ademais dos informes completos que realiza é unha ferramenta moi útil para os equipos nos que traballa máis dunha persoa na xestión das redes sociais.

Se o noso obxectivo é coñecer que se di da nosa marca nas redes sociais entón a nosa ferramenta é Social Mention. Simplemente escribindo unha palabra clave (a nosa marca) na súa barra de buscador ofreceranos todos os resultados xerados en máis de 100 plataformas diferentes.

Ferramentas para medir a web

Para medir a nosa web Google Analytics é, probablemente, unha das ferramentas máis utilizadas. Temos que enlazar a nosa web con Google Analytics para darlle acceso e que empece a mostrarnos todos os parámetros sobre ela. É unha ferramenta moi potente e que ofrece a posibilidade de personalización, podendo crear os nosos propios informes ou dashboards, facilitándonos a parte de análise de forma considerable.

Máis centrada na experiencia do usuario atopamos Clicktale. Esta ferramenta encárgase principalmente de analizar todos os clicks que os usuarios realizan na nosa web, permitindo mesmo gravar sesións de usuarios concretos para ver como se comportan na nosa web: os seus movementos pola web, sitios nos que fixo click, tempo que permaneceu na web, etc. Esta ferramenta é ideal para entender como se comportan os usuarios na nosa web, detectar fallos de navegación e mellorar a experiencia dos usuarios.

Clicky é unha ferramenta de analítica web en tempo real que nos dá a posibilidade de analizar a cada usuario de forma individual,  segmentar por usuarios que conseguisen un determinado obxectivo, etc. Ademais permítenos coñecer a través de que palabras clave chegan os nosos usuarios á web, cal é a nosa posición en Google e outros aspectos relacionados co SEO da nosa web.

Estas son só algunhas das ferramentas que hai dispoñibles, pero hai centos! Elixe as que máis se adapten ás túas necesidades e empeza a medir e analizar a túa web e redes sociais. 😉

Referencias bibliográficas:

Rodríguez, O. (2011). Convértete en experto en social media Community Manager. Madrid: Anaya Multimedia.