Movemento Maker

Un Maker é unha persoa innovadora, con moita facilidade para o prototipado de solucións de baixo custo a través da tecnoloxía e que comparte o seu coñecemento en comunidade. Na actualidade makers de todo o mundo traballan en proxectos abertos en multitude de comunidades onde comparten o seu coñecemento, dando lugar ao Movemento Maker.

A innovación tecnolóxica que ten lugar grazas a este movemento é moito máis áxil e disruptiva que a que pode realizar calquera empresa de forma individual, por iso este novo modelo é unha oportunidade para as organizacións.

Ademais, unha das claves do Movemento Maker está na sustentabilidade, xa que aposta por un modelo de consumo circular, onde se pon en valor a reparación, a reutilización e o aforro de custos.