Maker Faire Compostela – Deseño Estratéxico no ámbito social

As Maker Faires son as feiras de innovación máis importantes do mundo e normalmente están asociadas ás novas tecnoloxías. Actualmente realízanse unhas 200 ó ano, xuntando a máis de 1,5 millóns de visitantes en 35 países diferentes.

Desde Designthinking.gal analizamos o concepto maker e o contextualizamos á nosa contorna. Deste xeito redeseñamos o concepto tradicional das maker faires, poñendo en valor, ademais de novas tecnoloxías, proxectos de artesanía, gastronomía, música ou arte urbán.

A primeira edición da Maker Faire Galicia contou cun total de máis de 18.000 visitantes e foi a terceira de Europa en número de asistentes, tan só superada polas Maker Faire de Roma e París.