fbpx
producto design sprint
29
Xan
2019

Que é o Design Sprint e para que serve

Nos últimos anos fálase cada vez máis do  Design Sprint, sobre todo relacionado con Startups e empresas dedicadas ao desenvolvemento de tecnoloxía, pero sabemos en que consiste?

Que é o Design Sprint?

design sprint google

O Design Sprint é unha metodoloxía áxil que foi desenvolta por Google Ventures e que popularizou a nivel global Jake Knapp, máis aínda a partir desta mítica conversa a tres con Eric Ries (The Lean Startup) e Tim Brown, (CEO of IDEO) do ano 2014, a cal comentamos no seu día no noso post sobre o Lean Design.

Se tivésemos que definila rápido, poderiamos dicir que o Design Sprint é o Design Thinking en modo hackathon :). Cun pouco máis de tempo e análise diriamos que colle a esencia do Lean Design e Scrum e refúndeos baixo un novo naming e un proceso definido en 5 días.

Como funciona o Design Sprint

design sprint y design thinking

Como comentabamos, esta metodoloxía lévase a cabo, idealmente, en cinco días e antes de empezar recoméndase

-Seleccionar un reto adecuado para resolvelo

-Contar co equipo de persoas e co espazo adecuado

-Dedicar en exclusiva o tempo pactado ao proceso

A partir de aquí o luns defínese un obxectivo realista, o martes xéranse ideas e defínense os usuarios cos que se vai a testear a solución, o mércores selecciónanse as ideas, o xoves se  prototipan e finalmente o venres se testean as solucións co público obxectivo (aquí tedes máis información).

O Design Thinking e o Design Sprint

Se seguides habitualmente o noso blogue, seguramente vos soe o comentado anteriormente. Isto é basicamente porque o Design Sprint, como pasa con Scrum, é unha adaptación do Design Thinking, historicamente considerada como a metodoloxía de referencia en deseño de produto/servizos, pero baixo un prisma concreto, que neste caso é resolver problemáticas e validar as solucións nun período de tempo moi curto.

Preguntarédesvos por tanto se ten sentido que aparezan novas adaptacións con nomes diferentes se en esencia son o mesmo. En canto aos nomes quizais non teña moito sentido, ata pode resultar contraproducente, pero en canto á adaptación cremos que si. E ten sentido desde o momento que estamos nun mundo onde tanto a sociedade como a tecnoloxía cambian rapidamente e a inmediatez é un standard, por tanto as ferramentas para solucionar os problemas desa sociedade deben ter capacidade de adaptación ás necesidades da mesma.

En Designthinking.gal levamos anos adaptando o Design Thinking ao contexto, ás posibilidades e ás circunstancias das empresas ou profesionais e estamos convencidos de que ese é o camiño, de feito, durante este tempo realizamos multitude talleres de 2/3 días con solucións validadas mesmo antes de que existise o termo Design Sprint.

Ao final o nome é o de menos, o importante cando falamos de produtos ou servizos é traballar en equipos multidisciplinares con ferramentas e metodoloxías contrastadas que sitúen ao usuario no centro e que sexan adaptables tanto ás circunstancias como á contorna.

Leave a Reply